filloa e cocido = éxito
O cocido, un deses pratos que acompañan os domingos de inverno galegos e símbolo indiscutible do noso Entroido, non ten mellor acompañante que unha filloa. Non en todas partes de Galicia se comen as filloas salgadas como xa explicamos (enlace), pero o máis típico das filloas salgadas na nosa terra é acompañalas cun bo cocido. Pódese facer o propio día do cocido ou aos días seguintes, para aproveitar o que sobrou. Porque cando en Galicia se fai un bo cocido, ten que sobrar.
A masa da filloa é algo diferente, pero o proceso de elaboración é igual ao das filloas doces.
ingredientes para as filloas para 4 persoas
- 75 cl de caldo do cocido
- Varios puñados de fariña (ao gusto)
- 3 ovos
- Touciño, manteiga ou aceite para untar a tixola
Á hora de elaboralas, consiste no mesmo proceso que con calquera outras filloas. Mesturar ben tódolos ingredientes ata lograr un amoado homoxéneo.
ingredientes para o recheo
- Carne (de cacheira ou de faldra de porco, preferiblemente)
- 2 chourizos
- Grelos
- Garavanzos
O primeiro paso é poñer a escaldar os grelos, na mesma auga na que se coce a carne. Engádeselle algo de cebola e cenoria para suavizar o sabor da carne e da verdura.
Por outra banda, os chourizos poñen a cocerse.
Cando xa estean case cocidos, engádense os garavanzos (de bote), para que acaben de cocer.
Escórrese todo ben e incorpóranse ás filloas, para ir facendo roliños.
A disfrutar!
