Filloas recheas de salmón e queixo
Como entrante ou como primeiro prato. Este selecto manxar fará as delicias dos teus convidados.
ingredientes
Para 2 persoas
- 6 filloas
- 100 g de salmón afumado
- Queixo de San Simón da Costa
- 500 ml de nata líquida para cociñar
- Sal
- Ourego
- Perexil para adornar
algún consello
Non debes abusar do sal, pois o salmón e o queixo de San Simón xa aportarán suficiente sabor salgado ao noso prato.
Estas filloas están feitas na tixola. Para que saian máis esponxosas e non tan secas podes botarlle un chisco de leite, preferiblemente, enteiro.
Filloas recheas de pavo e verduras
Exquisito e saudable. Así é o prato que che ofrecemos a continuación.
ingredientes
Para 4 comensais
- 8 filloas
- 3 filetes de peituga de pavo
- Unha cebola grande, ou dúas se son pequenas
- 2 porros
- 3 cenorias
- 3 pementos verdes
- Aceite
- Pementa
- Sal
modo de elaboración
1. Primeiro, pasa a peituga de pavo pola tixola, cun chisco de aceite e sal. Chégalle con pouco tempo, pois é unha carne bastante tenra.
2. Córtaa en taquiños e reserva.
3. Corta as verduras en pequenos cachos e saltéaas cunhas gotas de aceite.
4. Mestura cos tacos de peituga e engádelle máis sal e pementa.
5. Enche cada filloa, a gusto, enrola e disfruta do teu prato.
